寧Long莫short

講的當然是期權。
一隻市值超過千億元的藍籌股，竟可在一個交易天內急跌近1/4，持有正股都好吾掂；持有牛仔已收回；若持有short put就可能走佬都吾掂；所以我就算怎樣有信心，都不敢short call/put；收埋些期權金都睡不著，何必呢！大/細期就更加沾都不敢沾。最勇猛都係買幾千元call/put輪過下賭癮算了。友人空期指大賺向我炫耀，希望他能笑到最後啦！
教練向我訴苦，地產股吾升，但樓價則狂升。我都吾識答，叫他買本IMoney今期也有講。內子則比我還保守，依足沈大師指示-零持股；寧做定期收2%利息。我就<2成股票持倉，怎麼大的風浪都應無有怕；但兩公婆的人仔存款，若不計息都開始見紅了。
現在個市高估值吾買得、高科技、內房內銀、教育、醫藥、影業.......好像乜都吾買得！有人又話政府年金搵笨吾好買，這實在見仁見智，不過你若覺搵笨可以不買，始終有得揀總好過無得揀。
近期上市10隻IPO，由齊魯高速(1576)至恆達科技(1725)，清一色累積都是虧損，跌幅由1.59%-48%，問你怕未？
資金追到中電(002)、煤氣(003)、中移動(941)不用講也應明白是甚麼環境了。
最新消息：港股ADR預計恆指下周一高開302點，報27515點，你話是否又估佢吾到！
*本人純以自己處境出文，若閣下是期權高手，就切勿受我這膽小老兵所影響，而挫了銳氣，錢是自己的，信自己最實際。