免責聲明:

免責聲明:本網誌純屬個人文章, 所有評論全是表達個人意見, 絕對不應視作為投資見議. 本人同時不能保證文章內容的確實性. 讀者必須自行判斷和研究. 至於讀者的一切投資決定, 不論成敗得失. 一概與本人無關.

2020年4月30日星期四

退休收息股系列之-中電控股

中電(002)向來給投資者穩陣的感覺, 盈利主要分為2部份, 最有價值的當然係香港(九龍區)電力業務, 包賺不蝕的生意, 全球就唯香港獨有. 但准許回報下降, 佔集團盈利67%的港區業務亦難已樂觀, 准許盈利協議, 每十年一議, 民粹主義檯頭, 只會愈議愈緊,  至於海外業務就更加困雖, 涉及民生又怎可能會有豐厚利益. 係有都益自己友, 怎會益外人.
除非股價有較深的調整, 否則一隻缺乏增長動力, 而股息得3厘多的公用股, 我就不會買.
現價82.8元 市盈率45倍 股息率3.72% 市值2091億元

退休收息股系列之-領展產業

領展(823)應係香港最佳表現的房地產信託基金, 亦係藍籌俱欒部唯一房託成員, 2005年IPO至今股價已升了四倍多, 加上派息年年增加, 實在贏盡天下股民心. 但這是人人皆知的往績, 我們要看的係未來. 領展屬房託, 溢利近乎盡派收益每年仍少於4%, 缺乏盈利累積運用兼預期可見將來都加租冇望, 股價亦係同業中對資產折讓最少, 值不值得作為超長線退休收息之用, 實在見仁見智.
但價貴股價未必不升, 本人只係有數得計講下個人意見, 閣下看法有異亦係合理, 一句講晒 血汗錢係你自己的, 吾好人講你就信, 基金公司收足管理費都不包實賺, 何況我這個冇收你$的閑人.
現價69.6元 市盈率7.28倍 股息率3.89% 市值1432億元

全港最安全的銀行

香港有間傳統港資家族銀行, 可說係全港最安全的銀行, 非因經營得法, 全賴不務正業, 全港得一間行, 收入全靠銀行大廈及保險箱租金, 存款少 貸款自然少 壞賬必更少, 私人公司不用向股民負責, 股東全係家族成員, 個個都係富翁 無人等錢用 就更不想負上變賣祖業的惡名.

題外話: 剛得消息 平安保險將以112.7億元入股 新地(016)於2019年11月以422.32億元投得西九高鐵站上蓋商業地30%發展權益,這交易對雙方都頗為有利, 新地的專業無用質疑, 加上平安的政治背景及財務實力, 務必使人對這項投資信心大增, 最低限度融資成本必然超平呀!


2020年4月29日星期三

政府年金

政府年金並非投資而係保險, 此點長者必需明白. 它與街外金融機構發行的年金比較可算毫無吸引力. 但有點係鐵一般的事實, 政府年金的安全性是民營者所無法可比的. 民營年金首要考慮係所發行的年金對公司的貢獻, 這點正與產品購買者的利益相反, 而政府年金並無賺取利益須要, 得民心才係首要目的, 搵笨機會甚低.
但極須注意 你若未瓜又想提早取回年金會損失好大. 而若購買者走了, 繼承者只能取回剩額, 即若八十多歲才走, 繼承者會無$取回. 而每個人的環境有異, 計清楚是否適合自己才好去買, 有人話政府年金會輸給通貨膨脹, 但怎都比輸給老千股 掘曠機 甚至匯豐好掛! 當然你自覺係投資高手就不要買, 重覆一句政府年金並非投資而係保險.
*香港長者3大退休王牌籃藍股 2004年恒生銀行(011)約每股$100, 十六年後現價$135, 就算計埋股息, 都不能算是好的投資. 而匯豐控股(005)就更差勁, 當年約$120, 現今得$40. 表現最佳的中電控股(002), 十六年後股價亦只係升了一倍, 若無通脹的話都可算不錯吧!

2020年4月28日星期二

老兵失誤

作為一個股市老兵, 兩年前已預了股災, 但狼來了多次, 稍一鬆戒股災真的來了, 貨底未盡清又過早撈貨, 耗了彈藥. 雖仍未傷到老本, 但已失了先機, 失敗呀! 真要好好檢討, 處境真有點像08年的匯豐, 早在06年匯豐管理層已嗚警話要小心次按, 但兩年後匯豐依然出事.家中近半能用的資金已買政府年金, 未來就算有機會也會彈藥不足, 但不竟非個人之事, 都係安全至上!

Goodbye HSBC

匯豐(005)剛公佈2020年度首季業績, 的確使我死心, 於$39.75沽埋尾貨, 蝕去$48418. 肉赤得肯, 但願賭服輸. 賣仔莫摸頭, 以後看少隻吧!

4合1

新世界(017)建議股份4合1 每手買賣單位維持1,000股 懂事局稱短期內不會供股集資. 看來只係形象問題 股價大些 形象好似[大隻]些, 記憶所及藍籌股合股, 如希慎(014)5合l 匯控(005)4合1 電盈(008)5合1 期後股價都不壞.
新世界現價8.96元 市盈率5.03倍 股息率5.69% 市值911億元

題外話: 難得天氣和空氣都不錯, 想租架單車玩下晒下太陽. 但單車店仍未開, 行去公園竟無一人, 在香港地算係奇景.

2020年4月27日星期一

現金多過市值股

迪生創建(113)上年九月底持有現金17.28億元, 而現今市值僅16億元. 即現金多於市值. 老闆潘生亦算慷慨, 股息率高於8%, 有閑$買些博私有化 坐貨也舒服. 但須要注意, 集團交投疏落, 買賣皆不易.
現價4.08元 市盈率4.03倍 股息率8.57% 市值16.08億元

2020年4月26日星期日

大家樂盈警

大家樂(341)剛發出盈警, 預計比上年度溢利大減85%至90%, 最可怖的就係盈利大減/虧損. 全係集中在近期受新型冠狀病毒爆發影響, 而且至今仍未有明顯改善的跡象, 我現在最關心的已不是它能賺多賺少問題, 而係生存能力問題, 截至上年九月底, 集團持有5.53億元淨現金, 無外部借貸, 1.35億元可隨時套現的金融資產. 若銀行不落收傘的話, 大家樂仍有可動用信貸7.85億元, 除非疫情禍及數年, 否則大家樂應能過到此關. 但雖知大家樂貴為行業龍頭都如此, 其他同業會怎樣?

比利閑話

以為自己老眼紛花, 窗外蒙過蒙太奇, 社會都半停頓, 天氣為何仍這麼差勁? 開了空調兼空氣淨化器, 有多大作用不知, 心理上好D掛! 減磅期開始 零食不用想, 午睡也睡不著, 股又冇得炒, 出街又吾得, 悶到快發瘋.
見內子悠然自得, 追韓劇(The King), 熾毛衣, 敷mask. 這套韓劇我追了幾集不合看, 熾毛衣吾好預我, 敷mask! 真係無試過, 一試只覺涼涼的, 就無別的感覺, 後來才知要十多元一片, 感覺就由涼涼地變為呎呎地, 肉呎個呎. 從來都吾係靠個樣搵食, 都係吾好浪費. 始終都係內子體貼, 她話她用過一次就棄太浪費了, 可留給我再用, 環保呀!
後記: 晚餐就係吃這過, 相信眼淺些的網友都會為我灑下同情之淚, 內子心實太恨吧!

碧桂園服務(6098)

物管股有輕資產 收入穩 負債低 現金流強的特性, 是一門相當不錯的行業, 亦甚少聽聞有大型物管公司, 有虧損或過大壞賬出現過. 物管主要收入來自管理費收入及增長服務, 前者營運容易 後者則頗考公司經營水平, 選對板塊 就要選股吧! 厭複雜選龍頭也錯不到那. 碧桂園服務為行中一哥, 母企每年賣樓數千億元, 生意無憂, 又有兼併街外同業能力, 本身全無借款. 但當然好股難會平, 半百倍市盈率亦使我望門輕嘆! 只能靜待時機才吸入, 好股要有好價才等於好投資*.
現價35.55元 市盈率50倍 股息率0.47% 市值966億元
*網友鍾記名言.

阿里乏護盤

美國證券交易委員會主席提出中概股在資訊披露方面持續有問題, 警告投資者應更加關注中概股的風險. 這多少都使股民對阿里巴巴(9988)的信心有些影響, 況且Softbank有價值成千億元阿里股票待沽, 而阿里雖為港股中市值最高的企業, 但由於在港上市期淺, 因而仍末成為藍籌股俱樂部成員, 少了作為做市工具的價值,

2020年4月25日星期六

減磅尚未成功

看過驗身報告靚仔, 又再放肆, 即重回幾公斤, 健身室 遊泳池仍在關閉, 只能在食物處著手. 今天就只吃了這些, 現在餓到見到個電話都想咬一口, 只有去煲韓劇分散注要力!

荊棘滿途的航空業

除了係國企 因有政經需要, 真想不到為何仍有人去投資私營航空公司, 30年前機票貴過現今, 全球90%以上航空公司仍蝕大本, 政治 經濟 油價 甚至連天氣都能影響到航空業的榮辱. 千百條路可行, 為何要選條荊棘叢生之路, 而又有誰試過長線投資航空股賺到大$? 仍要堅持投資航空股的,看來只有一個原因, 你已有千萬家財, 卻想去做百萬富翁.
剛收到九置股息$2775.5 幫補一下家計.

友人話我做人好象豁達了, 其實年紀大了自然會[化], 明白到就算你係叱吒風雲的大人物或只係個營營役役的小龍套. 在這個不停運轉的世界中, 都只係個小角色而矣! 況且有樣事係平等的, 就係人人都係只能演一次, 上天給我們的角色早就定了, 我們無權選擇, 雖可以中途辭演, 但套戲亦會拍下去, 只係角色換了人. 想通了就會明白, 你的角色是好是壞都會拍完. 中途辭演實在可惜, 因絕無機會拍過另一套. 小角色都係角色, 有點演員道德, 好好演完才收工吧!

石油騙局

剛翻看本叫[高盛陰謀]的書, 作者李德林先生於書中第229-243頁詳細講述中航油怎樣中了連環圈套, 直至被弄垮整個企業, 有意參與石油ETF交易的投資者, 工欲善其事, 必先利其器. 最好先花$117買本書來參考一下, 一則可多些明解石油期權的運作, 二則可知道你將會面對怎樣利害的專業高手. 不過我預計你若看完, 多數都會選擇都係吃少多覺睡!


2020年4月24日星期五

磚頭幫

老一代的香港投資者都見識過磚頭的威力, 愈多貴重的磚頭就安全, 就算一時不慎創了大禍(盲目借了天債), 亦能安於渡過, 1983年長江市值約卅餘億, 置地公司負債就竟高達一百二十四億元, 而當年惜貸利息高達年息17-18%, 投資界稱置地為[飽死的巨龍], 預計它必然會被債務拖跨, 經果置地就係憑著擁有中區那幾幢甲級商廈,安然渡過危機.
不論你對磚頭幫多麼不滿不俏, 殘酷的事實就告之你, 甚麼是正確的投資. 投資無公理正義, 只有勝負. 當然這全係往績, 將來會怎麼樣就只有天曉得!

中國飛機租賃(1848)

PE 5.18倍 Yield 10.35% 不含特別息. 而且公司自上市以來, 股息都年年增加, 往績真的十分良好. 講的係中國飛機租賃, 屬光大集團旗下, 本身亦係一間實幹公司. 可惜經營的係飛機租賃, 航空業正處於史無前例的寒冬期. 個人若有貨而非重倉, 會繼續持有, 若無貨則會選擇少做少錯.
現價6.86元 市盈率5.18倍 股息率10.35% 市值46.2億元

先下手為強, 食飽燕麥, 都吾好意思再逼我吃燒味啦!

B仔股

未有盈利生物科技股是也, 吾好騙自己話買入係看好甚麼前景, 相信99%買入者係賭大細, 玩音樂椅遊戲而矣. 記得識落車呀! 港元與美元息差真係這麼大? 大到做carry trade都有肉食? 真的不大明解, 希望有高人可以賜教下. 友人問我3175撈得未? (想多些了解3175, 可看https://www.youtube.com/watch?v=yZ3qnSDkGTg). 我又怎知, 自己無中伏已算夠運, 還那敢胡來! 手遊目的係令玩者開心, 我down load個鋤D game, 不知那個天才設計, 專封死玩家, 愈玩愈火滾, 吾Q玩啦! 當然像我般無聊人, 都常做無聊事.
友人寄了這張在港鐵站拍的相給我, 嚇到我不敢買066.

觀點與角度

晚上到公園跑步, 還以為微微雨會無乜人, 怎知情侶也遇到幾對, 自己都後生過, 都係無為打擾人, 跑了半粒鐘就回家. 你若問我香港人最缺乏係甚麼, 我第一時間會答你係空間感. 亞洲九成地區都不及香港富裕, 但它們的居住/生活環境卻比香港寬敞得多.
夜闌人靜, 想起香港近日的內憂外患, 為何這幅福地會變成如此, 個心真係好難過, 莫怪得香港有這麼多人有情緒病. 我記得N年前看過TVB一段片, 講一個正常人扮精神有問題, 目的只為逃避現實, 有現場觀眾問佢, 這麼做會失去人生自由, 那位人兄答: 看你在那個角度看, 他在鐵絲網內, 看到外邊的人為口弄馳, 成世人勞勞碌碌, 究竟誰真的欠缺自由實在難說. 記得主持人係已故黃霑先生, 也不禁稱讚那位人兄有哲理.

2020年4月23日星期四

小心藍籌

妖股 老千股甚少輸死人, 因一看就知風險, 只會用刀仔鋸大樹, 少了把刀仔, 應仍有把大刀. 但藍籌股卻係另一回事, 不少股民受藍籌個招牌所迷域, 誤判始終係實力股, 愈低就愈買, 直至彈盡糧絕, 我曾買過4隻股份, 輸到我刻骨銘心, 每隻都蝕了我6位數字, 而其中有3隻係大藍籌股.一句講晒, 盡信藍籌不如無藍籌.

外賣

不用吃8寶飯, 吃咖哩牛楠 西籣花魚柳 還餘下二千多元 coupon, 有排捱呀! 內子貪便宜囤積折購券, 我曾發誓與她同甘共苦, 就算食到吐都陪她!!

不熟不買

我有個疑問, 為何這麼多名牌巨企要發優先股 高息債. 照計它們直接去銀行借, 息率會便宜得多, 營商的怎會這樣笨? 其實答案好簡單, 散戶好欺負些. 銀行話之理商譽怎好, 就算不要有資產低押, 必然要整間公司擔保, 巨企too big to fail, 所以吾還$機會甚底.
但知否優先股 高息債. 公司吾執笠都可以合法不派息, 甚至不還$. 全看其條款怎寫. 一般散戶切忌一廂情願, 以為只要巨企不破產, 就必定要派息及還$. 敢問有多少散戶, 簽約買時有否看清那份如電話簿厚的合約文件, 就算看過你真的懂嗎? 又不是靠那個職員仔講解給你知, 公道些講句他們多數不會騙你, 問題係佢都甚有可能吾識! 再反問一句, 這麼穩陣高息, 為何銀行自己吾買, 要益你?
講開不熟不買, 我也知雲係未來的世界, 提供雲服務的公司必甚有前途. 但它們科技水平, 成本多少, 競爭力如何, 我一概不知. 甚麼私有雲 公用雲 混合雲. 愈聽就愈一舊雲. 這些$真係無本事賺!

美股分析師

內子學人投資美股, 原來她係師承這位人兄. 我看過他好幾段片, 頗為不錯, 有文有路, 有興趣的美股投資者, 值得一看.
https://www.youtube.com/watch?v=_KhVIrbo1bI
*我與片主並不相識, 又無利益關係, 只因覺得他分析力不錯, 才推介給同好, 但投資當然要有自己判斷力, 切勿人講就信.

2020年4月22日星期三

散戶通病

一見股息率高就買; 見股價跌得多就買或溝貨; 散戶通常輸$均為此.
股息高係往績, 係人都知, 要知的係將來能否仍能派到高息; 股價跌得深必有其原因, 不求深研就撈貨或溝淡, 注定要輸$, 這亦是一般散戶的通病. 我自問頗有資格作批評, 因為我就係老散典範, 常以此想法作為買貨的準則, 結果當然係輸到嘔!

經過商場看見往日午飯時段排大隊的餐廳近乎[曬冷],  香港整個飲食業都在嗌救命, 政府若係真心想幫它們最好快點, 若再多一 兩個月, 就算想幫都太遲了!

哈哈!真要多謝JY, 內子真的看到你的留言,  我以後餐餐都有8寶飯吃了!

2020年4月21日星期二

私有化

經濟環境差勁, 令不少細價股折讓超大, 加上股民民心虛弱, 此時大股東提出私有化, 成功機會必大增, 宜選些資產折讓>70%及大股東持貨>70% 兼有穩定股息派送的上市公司, 當然買貨用的要係閑$, 因要有和大股東鬥耐性的能力.
近期首次去飲茶, 內子可能見我腳患未好得晒, 叫了籠[鐵打丸]給我吃!

油價崩潰

做晨運時聽收音機嚇了一跳, 油價跌到負數, 是否即係買石油有$收, 有如歐洲某些國家行負利率般, 借$有息收. 真係一百歲不死都有新聞聽, 有否高人可告之發生了甚麼事? 和是否真的如我理解般買石油有$收? 我即時覺得石油相關金融產品將會亂晒大龍, 產油國的經濟將出現空前危機, 不排除它們會狂沽各類資產保命, 航空業理論上最為得益, 但想深一層, 它們都無生意, 油價再平都無用啦!

2020年4月20日星期一

雲業務相關股

見TVB財演推介雲業務相關股份, 我係既貪心又無知的典範, 期油吾掂, 雲都怕得掛! 我家族人多勢眾, 人才輩出. 要找到個懂的後輩不難, 講了成半個鐘我都吾明雲係乜春, 都係放棄吧! 老狗真係難學新事, 幸3長途打多久都係收$27一個月, 否則就電話費都蝕Q埋!


2020年4月19日星期日

載通的投資價值

載通(062)上年盈利跌了16%, 今年首季成績將更差, 但疫情沒有可能永遠不走, 最壞情況預佢兩年不派息, 但載通股價已從高位跌了近七元或三成. 兩年股息才兩元, 到時觀塘商廈將快完成, 租金收入幾可肯定能大幅增加, 現價是否買得過? 自己判斷啦!
現價17.32元 市盈率12.5倍 股息率5.77% 市值77.4億元
利益申報: 本人持有載通股票權益.

賭神

有位親友綽號叫賭神, 這並非因為他喜歡去澳門賭$或在賭埸成日贏$, 相反佢係如大部份賭客一樣, 輸多贏少. 稱他賭神只因他曾重注博彩股贏過大$. 他說得對, 賭客不會贏, 開賭才會贏. 所以他真正去博殺的係炒買博彩股, 而在賭埸賭$自係純為娛樂. 他亦常約我去大海玩樂, 送給我不少賭埸贈品, 甚至免費住宿. 我和他都係贏家, 因他在賭股身上贏了大$, 相對在賭場耍樂的注碼,已近乎立於不敗之地. 而我則從不在賭場下注.
後記: 響應政府呼籲, 減少出街, 自製韓式炸醬麵做早餐, 水準達職業水平!

2020年4月18日星期六

不學無術

黃金價升, 金礦股因開採成本不同及財務有異, 而未必跟升, 但黃金ETF就因跟足金價, 所以價位就必升. 個人以此推斷, 以為期油ETF也必然如此. 但網友[on9nobody],來文指出並非如此, 雖然我非人講就信之人, 但對期油ETF確實未有深究, 故寧可信其有, 下星期都係不買了, 況且原本都係打算超小注買鋪大細, 但既然有懷疑就閣置計劃, 因吾想為自己不學無術負出代價.

吃了幾餐超標外賣, 今晚吃生果就當一餐. 投資與吃餐一樣, 係要有紀律.

石油期貨

紐約油價於亞洲電子交易時段大跌, 一度失守19美元, 曾低見每桶18.03美元, 又係如我般[難賭二]手痕之時, 在香港上市的原油ETF, 分別有F三星原油期(3175)及FGX原油(3097), 兩者不是直接追蹤原油期貨價格, 而是分別追蹤標普高盛原油額外回報指數及標普高盛原油增強額外回報指數. 但與美國期油價格關係密切. 而前者市值28.34億元, 而後者市值1.57億元, 理論上前者自然買賣較易, 現價石油已低於不少產油國成本. 本人不排除下週買番多少賭下. 但要注要這係純賭博, 對手係全球專業大鱷, 風險不輕呀!

股海深經

炒股者必看此片https://www.youtube.com/watch?v=akqBmIxzv5c可能勝於所有投資教材.

2020年4月17日星期五

回網友superjoe的信

Billy兄!經常看你的blog,得益不少,也知道你已退休,也想知道你退休生活怎樣過,例如:夫妻相處、退休節目、財務處理等等,因小弟已五十多歲,也準備退休,希望你能多多指教,感謝萬分! Superjoe.

初退休時如放監, 大吃大喝, 結果換來兩高, 要吃藥吃到現在. 在海外住了一段不短的時間才知香港原來最合我. 由太緊張的工作急轉為太鬆弛的退休生活, 適應吾切有了憂鬱症, 醫生係這麼說, 只好信佢. 幸得妻子適心照顧, 因而死吾去! 退休至今16年, 想去的國家已去過, 想吃的已吃過. 現在炒股 寫網誌 上網 打機 看書係我最佳娛樂.
我結婚27年, 新婚時她好正斗, 最低限度我覺得係, 自然她做乜都覺得有趣, 後來則感情深厚了, 就覺得在這個殘酷社會中, 有個利益一致的戰友是多麼重要, 加上我憂鬱症期間, 明白到除了妻子,更好的親友都冇可能全日廿四小時照顧你, 憂鬱藥的副作用非常難鼎, 沒有她我未必過到此關, 我從不刻意忍瞞曾有憂鬱症, 若有親友介意我也不在乎, 少些來往費事煩也非壞事, 肉麻些講句, 我對她好過對我自己, 她怎會不知. 我亦奉勸天下丈夫皆如此, 必能獲得雙倍的回報. 我就係人板.
無主動收入後, 投資起來會畏手畏尾, 事倍功半, 可以的話儲備厚些才退休, 因初期不會憂, 吾掂隨時可再投身社會, 但若退休後十幾年才吾掂就麻煩.
超級Joe, 我的經歷希望幫到你, 但用語太重就勿怪!
其實這幾年我已答過多次相關問題,本想叫你看返我的舊文便算,但我寫了幾千篇文章,連我自己都不知怎找回. 資深些的網友可能厭我長氣, 講完又講, 但他們可以不看也無損失.

博彩股前景亮麗?

一份似是如非的大行報告, 博彩股就大升, 莫非真係生意淡薄, 不如賭博! 股市真的不愧係冒險家樂園.


沽出2778

看淡後市, 繼續減磅, 沽出冠君產業, 獲利1500元. 股市永遠有人看好, 有人看淡, 誰勝誰負, 計數時才知.

思捷股價跌去>99%

2007年思捷環球(330)股價曾升至123.5元, 市值高達1715億元. 現價0.71元, 市值13.4億元. 即從歷史高位狂跌>99%. 大股東曾套現200億元全身而退. 長情小股東甚有可能血本無歸. 但這亦不能怪責思捷, 因期間大把機會給投資者獲利或止蝕, 小股東有個通病, 股價跌得多就放棄止蝕, 讓其自生自滅. 股市係鱷魚潭, 參與者要明白風險性. 若不幸買了隻出事的股票, 怨誰都無用, 只能怪自己不帶眼識股, 深研後才去買貨, 但假若盡了力也中伏呢? 這更加無為怨, 因那是天意, 天意難為!

2020年4月16日星期四

超人買貨

李家父子又再增持長實(1113)及長和(001)涉及50.5萬股@$45.7及57.7萬股@$57.4 一般來說應可示為好消息. 但近兩 三年, 大小超人都不斷增持有關股票, 有些價位頗為偏高. 李家富可敵國當然吾至在, 但像我般散戶,若要跟風就務必要三思.
長和重兵英國; 長實亦有酒吧及商廈投資, 但英國卻前有脫歐, 後有疫情!
利益申報: 本人持有長和(001)股票權益.

嗚謝啟示

收到John仔來Email話有別的Blogger不滿意我, 這有甚麼出奇, 我寫網誌係因能直言, 得罪人就預左, 你不滿意我又追看我的文章, 真令人費解? 我雖然終日游手好閑, 但就冇乜興趣去別人的平台鬥咀. 但也多謝John兄的提醒, 不過下次不用話我知了, 網上虛擬世界, 誰去認真, 誰就係傻的!

月供股票

若在我年輕時(80年代初)開始月供股票, 只要係大藍籌股兼本地成份重, 匯豐 恒生 中電 港燈 煤氣 長江 新地 太古 九倉......*。至今天 你可能已成了小富翁, 因這食正香港經濟起飛期, 投資自然事半功倍. 上述股份近四十年升了幾十倍甚至過百倍, 但大部份升幅都係早期做成. 而現今的香港早成了已開發城市, 經濟增長大幅放緩, 投資回報亦如逆水行舟, 再以月供股票投資, 成績極有可能會令人失望.
我真的好想知網友中十年來(2010年起計)月供股大藍籌的成績, 你可以話以現今股災的低價來計不公平, 但又有誰能擔保現價一定係[低位], 無可能未來股價不會更低嗎? 日股往績(90年代前)何等風光, 全球87大股災唯獨日股能獨善其身,但其後就熊足幾十年.
當然我只是發表個人的看法, 甚有可能估計錯誤, 持有不同看法的網友勿動氣, 以為我在拗氣. 人講可以吾信, 對你係無任何損失的.
題外話: 加國親友話市民大儲糧, 超市大排長龍, 世上何處有樂土!

2020年4月15日星期三

開市直擊

懶理外內經濟嚴峻, 今早股市照升, 股市就係這樣, 人人預計的通常都係錯的, 但我認為股市如放狗, 放到多遠它始終會回到主人身邊, 即會照經濟實況反影, 當然若遇到隻狗係癲的就大件事.騰訊今早曾破四百大關, 成了穩市大功臣.
後記: 支持本地消費, 不便堂吃也外賣, 況且內子買下不少折購券, 都應用下吧!

2020年4月14日星期二

行行出狀元

看到有些網紅表白, 才知原來收入都好可觀, 有個港夫日妻年入廿多萬港元; 又有個台灣後生仔教人炒美股, 月入七千多美刀, 在台灣已是甲等收入, 多過大學校長. 據聞全港最高收入的係老簫, 月入半球, 真係行行出狀元, 利害! 莫怪得這麼多網友兼做埋, 若關乎股票的我多有收看兼做某些動作以示支持.
後記: 吾想浪費個口罩, 一出街就買夠一星期糧食.

晚上突然好餓, 就落樓下吃碗雲吞面, 太耐冇吃了,確得好好吃! 希望政府係想幫佢地就快些, 看來這面店都捱吾到太耐!

香港不易居

九0年代去日本旅行, 覺得日本物價超貴, 但現在日本物價卻平了甚多, 這當然係與香港比較, 全亞洲綜合計, 香港生活費最貴, 就算現今天災人禍一齊來, 物價都係不肯調整, 市區樓由一千萬降至九百萬, 我一樣都係住吾起. 路過港鐵站問職員可否買長者八達通, 答話60仍未得, 仍係要65, 但可能等得來我真的夠65了, 希望那時個一皮都收到啦!

2020年4月13日星期一

香港 Amazon

全城網購熱, 我亦剛下單訂了口罩, 不能不留意HK Amazon 香港電視(1137), 但Nav得$2.09 資產薄弱, 往績仍虧本兼股息欠奉, 都係做其顧客好過做其股東.

紅股

匯豐(005)除淨後才不派未期息, 傷透擁躉的弱小心靈, 相較煤氣(003)減派紅股及恆基(012)甚至不派, 四叔的擁躉怨氣就輕微得多, 送紅股實為數字遊戲, 實質影響不大, 但派開卻減派, 甚至不派, 就會使投資者聯想到該等公司, 在未來股息的增長會受到影響, 這才是問題之所在, 我個人對派紅股並不熱熾, 收埋些粹股遲些售出也有些蝕底.

14日又14日

14日又14日, 役症一般14日就知結果, 有病就可即醫, 大大減低傳染給別人的機會, 其實只要香港真的全民自律14日, 疫情就大有機會可全控, 就係因有些自私人, 為己為人自律14日都不肯, 結果14日又14日都攪不掂. 返工上班搵食仍可體會諒解, 但若因怕悶之類, 就真的難以原諒!

2020年4月12日星期日

香港大地主

雖然近期香港經濟內憂外患一齊來, 但樓價依然貴絕全球. 新地(016)在港土地儲備5890萬平方呎, 其中零售物業組合佔1200萬平方呎, 辦公大樓佔1000萬平方呎, 香港每年租金收入超過二百億元, 賣樓成績方面更不用多說, 已連續多年為全港售樓冠軍.
新地主力和根基雖在香港, 但在內地資產亦相當雄厚, 預計年租金收入近五十億元,土地儲備6970萬平方呎.
除了本業房地產投資/發展外, 新地還在港經營5間[帝]系酒店及持有內地多間酒店權益, 而香港上市公司數碼通, 新意網, 載通均為新地聯營公司.
財務方面頗為健康, 負債比率17.8%, 加上房產業現金流強的特性及良好信貸評級, 新地應全無財政問題.
當然新地的投資價值與榮辱, 全賴香港的未來前途, 若你看好的話, 候位累積新地股票都不會錯到那裏吧!
現價108.2元 市盈率6.9倍 股息率4.57% 市值3135億元
*在香港擁有一個普通住宅, 平均已值九百多萬元, 新地擁有多少個, 相信連大股東郭家兄弟自己也算不清.

跑贏巴菲特一季

看新聞才知我今年首季炒股成績勝過股神-巴菲特, 致勝原因只因我首季平均只用低於1/10身家去炒股. 原來乜都不做也足以贏到股神. 真諷刺! 好多人誤解零息時代必有利債價, 但這只屬理論上而矣. 一級國債當然無問題, 但次級債就分分鐘會違約, 按樓再杆槓買債基賺息差者, 將會極端危險. 但乜都不做真是最安全? 答案係短期還好, 長期必敗, 全球央行亂QE, 銀紙將來怎會不大貶值? 積極投資又死, 乜都吾做只會遲些死, 投資者真係左右做人難.
有財演說得好, 投資要做最壞的打算, 但要作最好的準備.

1973

講開股災怎能不提1973年, 當時應讀F3, 甚麼是股票當然不大清楚, 有天回家見爸爸好開心, 原來首次買股就賺到$, 那只股票叫九龍燈(中電前身), 爸爸日日聽行情, 聽得多我都入晒腦, 那時匯豐分為香港登記及倫敦登記, 怡和, 置地, 九倉, 均益倉, 大酒店, 城市酒店, 電話......。反而長江,新地就無聽過, 我家境並不富裕, 家父理財都好保守, 連他也炒股, 可見當時炒股是何等熾熱, 後來就不聽到爸爸再提股票, 幫襯開那間股票行也[執笠]了.到了八十年代初, 有天老嗲叫我帶他去賣股票, 還記得係去恆生總行賣, 那隻股票叫大昌地產, 持有七年蝕了八成!

2020年4月11日星期六

1987

80年代中, 四會合併為聯交所, 引入第一份禮物叫期指, 美其名為對沖, 但大部份投機者都係賭單邊, 每張期指每點50元, 按金15000元, 即300點. 初出即遇見大牛市, 港股在十多個月升了超過一倍, 期指好倉者賺到睡著也識笑, 淡倉也無出大事, 因都斬到倉, 按金夠賠.多人賺到$, 係最佳宣傳, 參與期指遊戲者大增.
直至1987年10月股災, 港股停市四日, 復市後狂跌過千點, 無期指好倉客可順利斬到倉, 一萬五千元按金無晒, 還要搬十幾萬元(每張期指計)去贖身, 中小經紀行則鬥快[執笠],有些做淡者, 贏了都無$收, 本都取不回.
期指由四千點跌到得一千八百多點, 就在最低點時, 四大天王 李嘉誠 郭得勝 李兆基 鄭裕彤出手了, 宣佈在一千九百點透過新鴻基證券各買入九千張期指好倉, 買期指無須公佈, 四大財閥此舉無非係想穩定民心, 幾年前聽聞八七年所買的好倉, 四叔仍未平倉呀!
我當年才廿九歲, 單身狗一隻, 而且股市升了這麼多, 十月時已不敢滿倉, 大股災一日就急跌, 沒有層層套牢資金出現, 而幸運地, 我當時第一重倉係占士邦(007)置地, 奇跡地在大股災中, 它跌得好少. 我就沽出置地加上所淨下的資金盡買藍籌股, 不久就賺回有突.
*單憑記憶寫下以上文章, 不保證有否記錯!

誰在買百威

百威亞太(1876)PE>35倍; Yield<1%; 市值2754億元. 在如今偏地平貨下竟有如此估值, 而且不似是虛火, 上個收市日大成交3.32億元兼升了>4%, 莫非又係春江鴨!
百威係國際知名啤酒巨企, 甚具加入藍籌股俱樂部條件.
現價20.8元 市盈率35.6倍 股息率0.98% 市值2754億元

2020年4月10日星期五

息率

我第一次出糧存入獅子銀行, 紅薄仔(活期存款)係9.25%年息; 後來綠薄仔(美元活期)更高息, 而且分大鈔戶(存入五十 一百元面額)或細鈔戶(存入二十元面額以下), 大鈔戶好象多點利息, 我亦試過存澳元15%及紐元有20%利息, 當時真係吃息年代, 但正係因高息吸引, 逼使優質資產的合理價值無法反影, 只有智者才會棄高息買資產, 成為後來的大贏家. 而現在則剛巧相反, 零息政策誘人吸入垃圾資產, 我們不要上當呀!

低買高賣

係人都知母親係女性, 但何謂低又何謂高, 只能以各種數據去評估, 但若單靠計數就掂, 可能股市已無輸家. 好多專家都會話疫情最多要捱多一季就能解決, 這點我亦認同, 全球這麼多人已受感染, 抗體群應已出現, 這將大大減低其散播速度, 全球專家就能增取到時間, 研製出特效藥物.
現在投資重點在於香港經濟能否能像過往的歷史般, 福大命大復原. 若然你估計會, 現價的股票巳相當吸引, 賭博和投資都係靠估, 但前者多靠運氣, 後者就多靠自己, 愈肯深研, 贏面就愈高.

2020年4月9日星期四

AEON(900)

在此段艱難時刻, AEON能維持派息額, 投資者理應滿意了, 同係預為收息股, 匯豐和AEON一大一細, 表現就差天共地. AEON上年度溢利減少, 主因為減值準備多了5502萬元, 這以佔集團總溢利近15%, 在現今如在此惡劣經濟環境下,也值得諒解, AEON是好公司, 現價也好合理, 只差的係香港經濟環境變好.
現價5.24元 市盈率5倍 股息率8.4% 市值22億元

2020年4月8日星期三

港交所(388)

股市大上大落, 好友淡友殺到天番地暗, 成交額故然大增, 殺完一批牛仔又殺一批熊仔, 接著又出過一批, 港交所收手續費都收到手軟, 而成交額大增, 佣金當然水脹船高. 疫情影響新股上市進度, 但它們遲些也會上市, 不象飲食業, 今天不來吃, 生意就無了, 無法補回. 獨市的港交所, 值得看高一線. 但我當然不會現價就買啦! 深信有耐性才可買到平貨, 平價+好股=好投資.
現價242.4元 市盈率32.3倍 股息率2.76% 市值3057億元

Home made lunch

吾敢出街食, 自己動手做, 水準超過一般餐廳, 但再困多一 兩個月, 好易發瘋, 吾好話去旅行, 市區都好耐無出過.

減磅

看淡後市, 減磅為敬, 沽出電盈, 獲利5200元.

2020年4月7日星期二

我的投資見議

很久前有親友換樓, 新屋簽了約但未入伙, 他決定不賣舊屋, 因怕麻煩找地方住, 計劃待新屋快可入伙後, 才賣舊居, 問題係他的財力極需賣到舊屋那筆$, 我知道後待他擔心到睡不著, 這段期間若樓價大跌怎麼辨? 舊屋賣不出, 新屋要上會, 兩條樓按怎揹呀! 03年BBQ輕生大會不少就是這類case, 我多次考慮後決定沉默, 結果他因遲了賣舊屋賺多百幾萬, 另加省回大筆租金, 我想若當日提出忠告, 他又聽我講, 我一世都不會安樂.
另一單就沒有那麼刺激, 後輩話炒Biticoin, 虛擬貨幣! 心想會吾會虛擬埋D血汗$, 知他買不多, 出事都吾瓜得, 心想後生仔受些教訓都冇壞, 就無出言勸阻了, 結果他賺了N倍.
*原來Biticoin, 1/10個都有交易.

2020年4月6日星期一

越秀交通(1052)

越秀交通經營公路收費, 業績及派息一向表現穩定, 往績PE5.8倍 Yield8.72% 頗為吸引 股價這麼低殘, 全因疫情及免收通行費, 將不利於本財政年度的表現. 但最壞的情況都係少收一年半載股息, 而現在股價已有合理的調整. 當然現今通街平貨, 越秀交通比它們的[抵買度]有多少, 就見仁見智.
現價4.47元 市盈率5.8倍 股息率8.72% 市值75.4億元
*末期息每股0.21元 六月一日才除淨.

匯控成本79元

今早減持2000股匯控@$38.25, 仍持有2000股, 賬面只記著, 剩下的這2千股匯控, 只要股價升回79元, 我整項交易就有錢賺了! 真係十分阿Q, 但有時心理感覺好重要, 自我安慰式去想, 匯控過往曾為我立下汗馬功勞, 今次輸番D, [濕濕碎]啦! 這麼想真係減輕了些肉痛的感覺! 留番一注因就算連貨底那2千股都沽清, 取回七萬多元, 作用亦不大.

港資地產股

先看總負債/股東權益; 新地()16)16.77%; 長實(1113)25.19%; 恆地(012)28.71%; 信置(083)3.4%; 新世界(017)69.83%. 除了後者有點偏高感外, 其餘四大地產商均負債頗輕, 而且它們的收租組合好強, 就算預埋減租影響, 租金收入穩定性亦不會太差, 何況樓價雖有調整, 但依然有價有市, 一手樓仍未見有太嚴重的滯銷. 負債輕現金流強, 融資成本必低兼易於借貸, 這無疑使上述企業, 因資金週轉不靈而破產的機會大減, 在現今如此經濟嚴峻期間, 企業的生存能力比賺$能力更為重要.

2020年4月5日星期日

減租

今早在樓下商場的餐廳買外賣, 想不到在星期天生意都如此差勁, 關門看來都只係時間問題.
我持有些收租股及房產信託股份權益, 但真的不介意旗下商場減租, 助商戶渡過難關, 股東只係股息收多收少問題, 而商戶卻係執吾執笠問題. 當然又會有些無為人話我扮好人, 得把口講認叻, 但我真人係誰, 有多少人知? 扮來做乜?
我有如此想法, 一來天性純良, 而我本人雖不信有因果報應或倫徊之事, 但萬一我估錯呢? 反正人一死就甚麼都帶不走, 為何不在有生之年在能力之內善待他人, 為自己或許有的來生買個保險.

2020年4月4日星期六

石油ETF

見好多人買原油期貨ETF(3175), 但敢問是否知其詳情? 期油怎樣對法? 持倉情況? 總市值才18.5億元, 單日成交近九億元, 發瘋! 買者其實在賭大細, 見油價跌就買博佢升,相信這隻石油ETF對那處地區期油都無乜人知, 也無乜人想知. 你可能問我, 買3175的不會是專業機溝嗎? 信我啦! 專業大戶怎會在港交所買這隻得24億元期油合約的ETF, 期油大茶飯只有在紐約或倫敦做, 所以我幾可肯定, 買者必是散戶.

匯豐同哭會

我四個親兄弟都持有匯豐, 我六厘多股息時買了2000股作貨底; 七厘時溝多2000股, 心想匯豐給歐美罰了十幾年, 乜都罰夠啦, 應該乾淨了, 又無再聽聞佢做錯甚麼大交易, 再到八厘多股息時不敢再溝了, 但到九厘息就誤判護城河足夠. 再買多2000股, 合共持有6000股.
幸得網友Wong Sir及時提醒, 才發覺不對勁, 即沽出2000股, 減輕負磅, 且仍獲得微利. 再過了幾個交易天, 突傳匯豐將不派息, 我亦嗅到火藥味, 再以44元止蝕沽出2000股, 失敗的係次日見其跌至40元,又再補回2000股, 現仍有4000股, 真失策! 若以現價沽清匯豐, 就總共輸了近8萬元, 好肉痛呀!
更慘的案例: 有某經濟雜誌社長, 買了架的士再按, 所得資金盡買匯豐; 又傳聞有位三十多歲的士司機, 靠四萬股匯豐退休, 看來他要重回職場, 幸他還年輕仍有工作能力, 最慘的係一對年老夫婦, 七年前賣了自住物業改為租屋, 又以77元買了六萬股匯控作生活....。
聽後, 我連冷汗都出埋, 要切記教訓, 否則臨老可能要去檢紙皮過活! 經驗告之, 老千股輸死人不會多, 因常人都不會重注, 藍籌股才會輸死人.

2020年4月3日星期五

尋寶遊戲

依利安達(1151)獲主要股之一建滔集團(148)提出私有化, 每股作價18.07元. 依利安達主要業務為分銷及生產印刷線路板. 外行人甚難膫解, 建滔出價亦算吸引. 但我若係股東就會以現價17.1元沽出, 以免夜長夢多. 而且這價也是依利安達多年來新高.

匯豐擁躉冇人跑得掉

匯控末期息除淨後才買入的投資者, 理論上有著數, 但看圖才發現, 他們比沽貨者還蝕得多! 一句講晒, 匯豐擁躉冇人跑得掉, 當然包括本人, 但激氣有何用? 股市就係這麼不公平. 但要反問自己, 為何仍留戀股場?
九0年代初我被華置弄到失眠了半個月, 九八年又被百富勤激到生蝦般跳, 股票不同住房, 不是必需品. 一世不買股票也不會有問題, 可能更有利健康, 起馬少樣事動氣. 但留得在股埸, 就應預了會遇到甚多不平事, 動氣傷吾到這些壞公司, 只會傷害到你自己.  但除了不忿外, 我們這些小股民可做甚麼? 都係那句, 股場這麼不公和黑暗, 為何仍留戀? 我自己心中早已有了答案, 但你呢? 我一向直言, 得罪勿怪!

2020年4月2日星期四

促進消費.

吾敢出街又懶煮, 一於叫外賣, 促進本地消費.

匯控換交行

平保(2318)為匯控(005)第2股東, 持有14.18億股或7.01%. 市值約553億港元. 匯控不派上年度末期息, 平保將少收約23.2億元股息, 假若今年匯控仍不派息, 平保將會再少收56.7億元 .建議平保倒不如和匯控談判, 以匯控股票交換匯控所持有的交行(3328)權益, 該批交銀股份約值645億元, 匯控則可註銷7%股份或當作回購, 另更可收到近百億元現金.
*只屬個人妙想天開, 並無內幕消息.

買入808

買入原因: Nav$5.74; Yield近8%; 乙類商廈抗經濟衰退力較強, 低息期有利Reits融資成本, 我個人組合現金水平偏高及又係阿Q精神作怪, 我上次泓富沽出價為$2.90 .


沽出2388

中銀香港係好股, 但時勢不妙, 吃糊了事, 獲利六千元.

財經日誌

杜指跌近千, 港股ADR也跌了半千, 看來稍後開市都吾謊會好到那裏, 我的投資組合只做了少許對沖, 看來做得不足. 歐美疫情空前嚴峻, 海外親友開始儲糧, 歐洲銀行不派息, 多國都封關, 內需經濟更乎災難性損失, 製造業也好不到那裹, 非必需品需求必大減, 全球經濟可能會相當差勁, 惟一不同的就係全球央行都QE, 印鈔多到有可能通貨膨脹失控也在所不惜, 但病重只好下重藥, 這也是無辨法中的辨法. 香港除了疫情 經濟 還有一籮籮的政治問題待解決, 奉勸網友投資要保守為上, 因這條路既長且十分難行.

2020年4月1日星期三

檢討

綱友都知我一早已看淡, 近年來都不敢重注, 大都係如打遊擊戰, 速戰速決.  因深信港股十年必有一劫, 但此劫遲了兩年才來, 使早前錯失了相當多機會. 而股災來時又過早入貨, 以致現已賬面虧損6位數字, 而股票/現金比例升至23/77, 我真的急進了些, 看來應好好檢討一下, 有甚麼改進的空間, 經歷過這麼多次股災, 理應應付自如, 可惜成績卻如新手般, 真有點慚塊!
藍籌股平均有4.51%股息, 比定期存款1.6%利息好得多.

補回匯控

原因如下: 1.匯控不派息, $仍留在銀行;  2.太多怨氣令持貨者非理性沽售;  3.股市吾係講公平的地方; 4.阿Q精神, 昨天才$44沽出, 今天補回就當作天冇沽過.

匯豐情意結

歐洲銀行宣佈不派息, 但匯控末期息早已除淨, 這對股東甚不公平, 但這世上那有公平過? 我亦損失了USD840股息收入, 但激氣也無用, 對我來說又上多一課, 切記不要一注獨贏. 匯控不是三 四線股仔,在香港甚多長期擁躉 吃息一族 指數基金 MPF 慈善基金持有, 看來損失非輕, 全都要為對匯豐那份情意結付出代價.
利益申報: 本人持有匯控股票權益.

龍記集團股息10%

數年前網友推介龍記集團(255), 我的印象係現金流強, 資產負債表靚仔, 老闆慷慨一向派息超高, 其主要從事模架製造及銷售, 但模架係甚麼到現在我仍不知, 當年市旺買乜都多數賺到點$, 就買了些龍記股票, 其後真的賺到些$就沽了, 始終不熟不敢長線.
集團剛出上年度業績, 全年純利1.49億元跌12.4% 但仍全年每股派息0.22元, 以市價計有10.62%股息率, 得人因果要記著, 我就助它宣傳下, 但買吾買得過, 閣下自己決定.
現價2.07元 市盈率8.56倍 股息率10.62% 市值13億元