有位年輕人向網友求教如何才能改善財務狀況，他對前景很灰。
中七程度，打政府工月薪1萬2千元，想透過死慳死底淨錢來投資股票，達至財務自由。
這位年輕人又不是問我，我懶叻代答，既不該也無禮貌，但真係忍吾住多口講幾句。
政府工向來論資排輩，講學歷，要快速升職加薪，難過登天。香港生活費高昂，月薪萬二能省下多少，就算畢菲特願做你的投資經理，相信都無能為力，巧婦難為無米炊呀！
他不願進修，怕進修費貴，將來賺不回，女友又常投訴過份節儉！
不願進修，怕進修費貴，將來賺不回。這點我反而認同，因現在學歷大貶值，我有後輩辭了職，專心完成博士課程，怎知現在份工收入慘過做[仔]時。
但萬二元份工，有甚麼值得留戀？隨便一個裝修工人，工資高你一倍，我友人做裝修判頭，收入分分鐘多過打政府工做AO。
是否覺得做藍領，辛苦兼有失閣下讀書人身份？涼薄說句，你女友還願跟你，在港女中已算難得，既然前路茫茫，為何不放下身段乜都試下，為了自己和自己條女都應該這樣做，盡了力都吾掂是天意，乜Ｑ都吾試有什麼可怨？
年輕人應該有奮鬥心改善自己的賺錢能力, 而唔係一開始做野就諗住要退休, 呢樣叫懶人 !
回覆刪除一開始作工就諗住退休吾係問題，問題係怎樣去實行．
刪除其實這層我有想過，股市如人生。
回覆刪除年輕時應該係找成長股而不是月供股票。
同意，年輕就係優勢，你廿六吾博，吾通六十才博，吾試怎知行吾通．
刪除政府工既賣點，係穩定。
回覆刪除但如果「穩定地低」人工，真係仲衰過倒垃圾。有啲清潔丫嬸都有15~16K一個月啦。
有時穩定唔係咁唔好，但如果搵定只係代表窘局無得改變，而果位仁兄甘於無所作為，咁佢就係抵死。
如果呢份工令到佢成家立室、置業同財自都遙遙無期，而佢又畏首畏尾不思進取，咁佢就係造繭自縛、故步自封，一切都係自己攞嚟。講咩學歷低、無技術、難升職，一切都係藉口。明明高人工過呢份牛工的工作，出面大把。
內子說得對，人各有志，我何必理人閑事，分分鐘又傷害了別人的心靈。
刪除難得的是那位「偶像博客」的回應可以是如此的不着邊際 XD
刪除