隔山買牛

網友[重劍無鋒]問: 如果根據你個邏輯所有海外收購都係囉底橙.當地人覺得冇肉食先買畀你.咁你偶像李生佢收購咗咁多外國資產咁你覺得佢成唔成功呢.當地人如果覺得好嘢又点解比和黃買呢?

答:香港近半個世纪 有那幅大型筍地由外資投到? 又有無聽過華資財閥在海外投資地産有顯眼的成績? 誠哥在海外賺過好多錢是事實 但不應只記著好的方面 八十年代初誠哥投資加國赫斯基能源 經歷多多波折 四十多年前那帳面逾38億元投資 若用作發展香港老本行 不知已返了多少番 但這項能源投資的溢利 能否跑贏通脹都成疑問;  同期在前世博舊址發展住宅項目亦未見有出色的表示。九0年代投資英國電訊rabbit 十數億元要全數撇帳。而令李生最省招牌當然是賣[橙]電訊 賺了逾千億元 還使和黃成了千禧年全球最賺錢企業。 可惜好景難再 其後不惜血本的3G英國 單個英國牌都九百億元 加上基建投資 和黃要撇足八年賬才攪掂 期間不斷出售資產含歐洲蒸餾水業務、P&G中國一半權益、印度電訊及不少香港資產 套現幾百億元填數 若非誠哥財技了得 百寶袋內又有大把貴重資產可鼎住 和黃都不知能否捱到今天 我知因我深受其害 持有和黃股票九年多 計埋股息都是平手離場。試看長實及長和的表現 就知誠哥做老本行 相較海外隔山買牛戰果更佳。超人隔山買牛成績都如此 一般商家就更不樂觀。