我是個科技盲 本來不應去評論科技股 但實在不吐不快 科技股就算在今次大調整後 美團(3690)市盈率仍高達221倍； 快手(1024)及嗶哩嗶哩(9626)皆在虧損期 前者市值2959億； 後者市值1969億元........。我貪心又怕輸 就找隻年賺千億的阿里巴巴(9988)，結果真的好些，蝕少些! 我就宣佈投降 再不敢沾手新科技股。
阿里巴巴52週高位309.4元 現價171.8元；美團高位460元 現價213.6元；快手高位417.8元 現價71.15元；嗶哩嗶哩高位1052元 現價517.5元；股王-騰訊又如何?高位775.5元 現價435元。用血流成河來形容科技股價 實也不為過。
我亦冒著被Ⅹ阻人發達之險，說句肺腑之言，欲溝貨者切記要量力而為呀!
如果我係外資，咁既政策市每日總有驚無喜，我都唔夠膽投資，國家隊又好似莫財，完全睇唔到可以升既地方，想買都唔夠膽
回覆刪除係，股市最怕唔明朗。之前市盈率高都唔怕，以及充斥快手這種虧損期都能大升的股，就是因為預期它們的利潤率高，會賺大錢。現在預期冇咗，投資邏輯轉變了，當然要沽出了，所謂「殺估值」是也。其實早前中央不讓螞蟻上市，股民就應該認識到中資科技股將唔定，可惜我後知後覺，最近才明白，唔似Billy兄一早就只短炒阿里巴巴、騰訊。
刪除我不懂科技股所以不敢重注兼長線 不象長和 中移動 我坐貨都睡得著.
刪除科技股其實唔難明，主要睇佢有冇盈利能力，護城河，連巴菲特都要買蘋果股票，可見買對了可以很賺錢。主要是事先沒有估到買中國科技股會遇上咁大的監管風暴，之前如果買美國科技股，就冇事。當然，現在美股太貴了，等佢大跌再買長揸為好。
刪除美股好[黑]我 我不會買 中國科技股 我也不懂 所以會少沾手 我會專注番傳統股
刪除買左3033試下運氣，都可以蝕接近15%，可見成個板塊幾慘烈⋯⋯
回覆刪除ETF理論上好過個股
刪除冇用，所有中資科技股都大跌。ETF一樣可以跌好勁。
刪除但好過單買一隻
刪除我都係學人買下啲新經濟科技股騰訊與阿里各一手玩下,結果又係蝕,之前舊經濟股賺到嗰啲錢都蝕曬,我學b兄一樣都唔敢再沾手新科技股,做返老本行買舊經濟收息股算了
回覆刪除不熟不大注 志在參與算了
刪除