免責聲明：

免責聲明：本網誌純屬個人文章, 所有評論全是表達個人意見, 絕對不應視作為投資見議. 本人同時不能保證文章內容的確實性. 讀者必須自行判斷和研究. 至於讀者的一切投資決定, 不論成敗得失. 一概與本人無關.

2019年3月29日星期五

打工之道

從任何角度來衡量，我都不能算是個成功的投資者，但作為僱員，除去薪酬吾算太成功外，其他方面都是OK的，幾個前僱主對我的評價都是正面，這因我的行業行頭窄，前僱主們大都互相認識，所以我會知道他們給我離職後的評價。
作為僱員要令僱主覺得你物有所值，這與你的辛勤工作程度無必然關係，我有同事因下屬無上班，而鼎替他的工作，而好象還幹得甚起勁，怎知給老闆見到，面色一沉就說：我給你份高工資，不是做這些的！這事實令我印象深刻。
老闆常會覺得自己必比下屬精明，因此不要嘗試挑戰他的重要決定，百份百會吃力不討好，你的錦囊妙計留番自己當老闆時用吧！
至於卑躬屁膝、阿謏奉迎有無效，我真的不知，因我無試過；不是我清高而係為這份薪酬吾值得！

發佈者： 於

27 則留言:

  1. R2019年3月29日 下午12:33

    Billy真係識做人！我就經常以下犯上！要戒下！

    回覆刪除
    回覆
    1. Billyho2019年3月29日 下午1:10

      恭喜你！你經常以下犯上仍未被炒，證明你真係有料到。

      刪除
    2. R2019年3月29日 下午7:54

      其實係應該少做呢d嘢，但遇到唔合理既嘢，真係唔識handle，變成衝動地以下犯上。

      刪除
  2. 窮小子雲地2019年3月29日 下午12:54

    最近同事離職，老闆同我呻請唔到岩心水ge人，好煩。佢同我講， 4 年前我入職果時，我係佢地 in 的第一個人。點知佢地 in 完之後直接決定聘用我，冇再 in 其他人，睇下有冇其他比我更好的 interviewee。

    我聽完都 o 左嘴，因為我成日都覺得自己好普通，學歷又唔高，實有其他比我更好 ge 人。結果依家呢份工，一做就做左四年 😂

    回覆刪除
    回覆
    1. Billyho2019年3月29日 下午1:15

      我打過四份工共27年，Billy嫂只做過一份工11年，可能我倆都是安份之人，做生不如做熟。

      刪除
  3. cool him2019年3月29日 下午1:17

    要在工作上被咁多老闆一致讚賞,你一定係有非比尋常的過人之處。得閒講啲實例俾我學吓嘢。。。雖然我已不用為五斗米折腰,但好想知竅門尤其係唔使擦👞都做到。。。😄

    回覆刪除
  4. Billyho2019年3月29日 下午2:38

    撞阪多了自然學精，老闆叫我不要告訴給同事知多少人工，但我卻告之一個要好的同事，他問老闆為何Billy年資比佢淺，工作不及佢(見仁見智)，人工卻比佢高，我知此事後即走入廁所，對著鏡孑，痛罵鏡中人為何如此戇居。

    回覆刪除
    回覆
    1. Billyho2019年3月29日 下午2:42

      我辭工後必定加倍努力工作，辛苦極都係一個月。得到的好處會令你意想不到。

      刪除
    2. cool him2019年3月29日 下午2:47

      我哋冇機心啫,我都試過。有個好得上司寵愛的同事問我幾錢人工,我講咗俾佢知之後佢向上司為佢下屬爭取加薪。從此我對呢個人好有戒心。
      我個情況又冇所謂喎因唔係私人公司。我上司見我有工作經驗又要管好多人,如果低人工過班細嘅,佢驚我唔會做得耐。😛

      刪除
    3. Billyho2019年3月29日 下午2:52

      以老闆的角度去想，最想和最不想伙記做甚麼？你就會知應怎樣做！除非涉及重大利益，否則對同事盡可能以和為貴。
      有句說話可能刻人憎，我若是老闆一定對成日轉工的員工[另眼相看]。

      刪除
    4. cool him2019年3月29日 下午3:01

      咁在你角度看你的老闆們對下屬的要求合理嗎?
      遇到你覺得不合理的要求時你會怎辦?

      刪除
    5. Billyho2019年3月29日 下午3:18

      除了政府工，老闆/員工利益先天性就有衝突，若遇到覺得不合理的要求時，我會辭工，以我在行內的口裨，搵工或吃回頭草也不難。但我有點運氣，從無遇到過或因對我來說所有份內事都係合理。

      刪除
    6. Billyho2019年3月29日 下午3:22

      除非我係做文員的，你就叫我做打手的工作，因工種不同，薪酬亦應有別，我就會覺這是不合理。

      刪除
    7. unknown2019年3月29日 下午4:05

      我又搭句咀, 唔記得邊個blog有人講過: 做人伙記既, 多多少少都算係乞食, 所以能力所及的話, 不如你好我又好, 做得就做啦~ 做野斤斤計較, 呢樣邊個做架喎, 果樣你無權叫我做埋架喎, 積積埋埋, 好快就會撞板...

      刪除
    8. cool him2019年3月29日 下午4:13

      同意工作一定不可以斤斤計較。
      但將之比喻為乞食就不會了。
      努力付出所賺回來是應得的。
      老闆/上司在工作外 大家都係咁高咁大 平等的😊

      刪除
  5. Billyho2019年3月29日 下午4:17

    [多多少少都算係乞食]言重了, 乞食不用付出，亦不會令施因者有任何經濟利益；做人伙記要付出勞力，能助雇主賺到錢，性質如天與地的大分別。

    回覆刪除
    回覆
    1. cool him2019年3月29日 下午4:24

      乞食所付出的是你同我都不會(出售)的。。
      尊嚴

      刪除
    2. unknown2019年3月29日 下午5:09

      剛找到了, 是斷章取義自塘人兄文章的
      原文有空的話不妨一看
      http://tongyanblog.blogspot.com/2019/03/blog-post_65.html

      刪除
    3. unknown2019年3月29日 下午5:23

      實不相瞞, 我是幾乎以乞食的心態面對工作, 皆因這樣就沒有了名為"尊嚴"的包袱, 差不多什麼都可以賣, 讓任務得以暢順地完成.
      當然, 有得選擇的話, 誰願意乞食呢? 希望這種厭惡感, 能驅使我盡早結束乞食生涯, 重拾生活自由吧!

      刪除
    4. Billyho2019年3月29日 下午5:43

      風老弟，恕我似老賣老，你這樣的想法實不敢認同，對你和你的雇主也不公平。

      刪除
    5. Billyho2019年3月29日 下午5:49

      想法正面些，對你自己和他人都係好事，怨氣只會先傷害到自己。
      我吾說教了，吾合聽當我無講啦！

      刪除
    6. unknown2019年3月29日 下午5:49

      哈哈, 的確應該都無乜人會認同, 我同老婆講, 佢都話我痴線
      但係有點好奇點樣對僱主唔公平呢?

      刪除
    7. R2019年3月29日 下午8:20

      我都插下口，個人覺得工作都係一個發揮自己既地方，又未到完全唔講尊嚴！對於我呢個成日以下犯上既打工仔黎講，應該都幾難認同做嘢係乞食呢樣嘢！哈哈！

      至於，billy兄果套。講真，我都依然係血氣方剛，都幾難做到唔以下犯上，依然覺得要唔合理就講。但，點講點做就係另一回事！同埋都要學識唔好斤斤斤計較！

      刪除
  6. Billyho2019年3月29日 下午6:06

    僱主用血汗金錢經營一般生意(尤其初創者)，壓力之大，非打工仔會易於明解，失敗了，你可找另一份工，你老闆血本無歸，你覺自己是行乞者，你覺你老闆是甚麼？靠剝削行乞者利益的大惡魔？

    回覆刪除
  7. Billyho2019年3月29日 下午8:49

    机器人兄：我19歲就投身社會，一定血氣方剛過你現在，但形勢比人強，可以怎樣？現代年青人可做廢青取公緩，我那個年代無工做就只能做賊，誰的壓力大？天下老闆差別本不大，你又不能改變佢，能改變的就係你自己。

    回覆刪除
    回覆
    1. Billyho2019年3月29日 下午9:03

      再次恭喜你，打工仍可下下堅持原則，證明你對自己蠻有自信心，年輕人有骨氣也是值得尊敬的，覺得對就去做啦！
      講真我亦不敢肯定我個套是對的，不過日日吃飽飯等上廁，無聊得肯，難得有人留言，就吹下水而矣！勿太認真呀。

      刪除
    2. R2019年3月29日 下午9:37

      其實我係工作上都有唔少困擾，所以先會回覆billy兄既blog文! 其實，billy兄既處世態度係一般人都會選擇既做法。如果我夠EQ，都應該會咁做，煩少樣!

      刪除

訂閱： 發佈留言 (Atom)