恆生指數收報16,624 升284點 成交額 992億元。股市都冇乜好講 但上升總比下跌為佳。前幾天送哥嫂機 或許是聖誕假期 機場人不多 而且外籍人士更少。 我都有幾年冇去過機場 給我的印象是裝修永遠都未能完工似的 。真慶幸生於現代社會 科技進步 十數小時航機就能去到地球上近乎任何地方。而且機票費用 普通人家都能負擔得起。60年代 一部二十多吋的彩色電視 就相等於老爸半年工資 1981年我首次去英國 機票是我3個月人工。科技的確為我們活得比上一輩舒適得多 現今一個小富翁 可能在生活享受上較古代的國皇還要好 尤其是醫療方面 古代就算皇后生仔都要搵命搏 現代生仔或許辛苦過結公多一點掛! 香港男性平均壽命為82歲 合理推斷筆者仍有17年命 真的要對自己好些 不要把寶貴的時間浪費在無為的煩事 。亦盡量不與別人爭拗 因文無第一 堅持己見 小則自己激氣 大則與別人結怨。 至於武無第二 我現在連自己老婆都未必打得贏 都係可免則免吧!
多謝分享
回覆刪除👌😁
刪除係囉睇開啲啦b哥.開心快活過埋餘下人生.樂觀面對就算輸曬手上嘅股票都不愁生活.量力而為.快樂走埋下半場你我一樣
回覆刪除真的化了
刪除👌
回覆刪除//可能在生活享受上較古代的國皇還要好 //
回覆刪除古代帝皇的"好"只在人力多, 可以用幾千幾萬人之力去人手工時去做某D工藝品
科技同工業帶來既進步系好多範疇就唔係人力工時可以彌補
最簡單食咁, 就鮮味一項, 古代就搞泥搞去, 及唔上今日既一點點味精
最重要是醫療進步
刪除