財經日誌

昨天恆生指數收報27,930跌11點。大市先升後回，冇北水，長假期前有910億元成交額，都算不俗。
無端端走去買利標(787)即坐艇，倉位冇乜股，心癢兼爛賭，活該！內子不厭其煩地問我，為何仍買此類股？其實我也知風險，但往績都係贏多輸少，總成績都係正數；我都冇怨她阻我低位買新地(016)，還來投訴我......。記得03年又好話我買重股票；事後又話我買得少！
經濟放緩，加息成疑，但債息卻向上，攪邊科呀？新股貓眼娛樂(1896)暗盤收報15.04元，高上市價1.6%，除去手續費得個[桔]，有ＱＱ背景都冇力水。雷蛇(1337)回購663萬股，涉資僅900萬元，又係公司錢，全無啟示。