計算人生

童年不愉快, 19歲投身社會, 時間也係老闆的 , 除了青春乜都冇, 心想人一出世就係在等死, 但又不知要捱多少年才會有好日子過, 早點走也冇乜所為啦! 所以那時做乜都敢膽, 反正都無乜好輸.
捱了段時間略有資產就成家, 每日放工都知道家裏有人在等自己, 那份感覺從來無試過, 但我可以話給你知, 感覺好好, 真的好好! 亦係首次覺得自己條命矜貴. 轉眼又十多年, 我四十多歲時, 不知因由的心口痛, 更使我恍然大晤, 計算下家當, 夠用就提早退役, 因心想那次若不是虛驚, 我雖可留下一筆財產給妻子,讓她不用為糊口煩腦, 但我估計她一定不會開心, 不過若我估錯呢! 她若好開心, 我豈不是好吾底? 哈哈!
轉眼又過多十幾年, 我今年六十一, 香港男人平均壽命為八十二歲, 理論上即約還有二十一年, 但起碼會有一半時間花在睡眠和等待(等車, 等位, 等乜, 等七)身上, 再加上人老了總會有病痛須要休養, 真正能屬於自己的時間應已不多, 實在不應該再花時間去幹一些無為之事, 或去憎恨一些無為甚至不相識的人, 正如內子所說, 若明天就世界末日, 都覺得已不枉此生, 才係做人之道.