看了網友的文章真有些感矚，有些同輩常埋怨新一代無上進心，不夠他們捱得。我老豆也話過比我捱得，無水無電都生活到，不像我般夏天風扇壞了都[瓜瓜嘈]。社會是應該進步的，一代比一代生活質素高，否則這個社會一定是有病，香港正是如此。
相信每個人來到這過世界都是想享受人生，[難得少年窮]只是酸葡萄的話，做誰的兒子我們無權選擇，但出來後條路怎行自己就有得揀，月光族好、延後享樂好，難說對錯，只覺條命係自己的，自己話事，人生如賭博，下注啦！
及時行樂的好處是天壽難料，噗了先好像無蝕底，壞處是若你長命百歲，後半段有排你受！而我若仍年輕就會應用則用，不會刻簿自己，智能電話一定會有，但一定不會是i phone；外遊一定會去，但一定吾會係歐美；車就一定吾上，因會扼殺其他機會；婚可能會結，但老豆一定吾會太早做；工一定去做，但虛名一定吾要，寧做月入三萬的三行佬，不做萬五的副總裁；機會一定會來，算準一定去博。
結果勝負難料，但總叫盡了力，對得起自己，必然好過不給自己半點機會，未戰先降！
廢講完，多謝收看，冇看的不謝了，因說了你也不知。。
Billy Sir,
回覆刪除Good morning.
Seems 900.HK has a strong buyer today !
congratulations
刪除多謝分享! 少少評語:
回覆刪除智能電話一定會有，但一定不會是i phone；(iphone 都唔係好貴啫, 日日用既野用好少少除番均其實好抵, 抵過啲人十幾皮買隻錶, 但又唔捨得帶出街先)
外遊一定會去，但一定吾會係歐美；(今日今日機票比以前平左好多, 自遊行窮遊歐美都係一萬鬆少少, 同跟團去日本差唔多啫)
車就一定吾上，因會扼殺其他機會；(搵倒機會時, 上完落番唔難的! 依家呢個世代機會少左好多, 但租金就越來越貴, 供樓當儲錢抵過交租先)
婚可能會結，但老豆一定吾會太早做；(唉, 依家啲港女咁鬼叻, 未夠三張都唔恨嫁, 再唔快手做老豆, 過多幾年想做都無得啦)
工一定去做，但虛名一定吾要，寧做月入三萬的三行佬，不做萬五的副總裁；(呢點好同意, 再揀過的話, 大學學位我都未必要了, 世界變了, 依家文職多數食屎, 返工搵得雞碎但鬥OT鬥長命鬥政治, 學鬥手藝先值錢)
機會一定會來，算準一定去博。(資產累積不易, 我就最多買少少股票算了, 銀碼細風險可控)
風兄，多謝耐心回應，你的觀點有你的道理，我吾覺有問題。
刪除除了生仔，你可能話我偏激，吾夠資源(包括有無時間親佢教佢)就吾好生佢出來，何必害佢！
人生如賭博，吾博一世窮，細膽只做銀行存款如末戰先降，勇於投資才是脫貧的唯一機會，但勇於不等如叫你[盲勇]，盡已力深入研究，計算值博率，計清自己的承受能力及最壞情況，人為部份盡了力就去馬，其他交給老天，輸了認命，但起碼試過，對得起自己。
刪除Billy兄, 長放銀行其實非所願, 我也想把它換成資產, 但不是值摶的機會欠奉, 就是人家不賣給我, 就好似最近好幾次去抽一手樓, 籤運都是麻麻, 不是適合價格範圍內的單位早早賣光, 就是根本連揀的機會都無... 股市值摶率我覺得不如樓市, 亦怕股市一個浪就把我間樓沖走了, 所以八成現金, 兩成股票, 已經是我的極限
刪除比起資產競賽, 我覺得作育兒女成材, 才是最大的挑戰吧? 尤其是銀彈有限之下, 令呢項工作更加艱鉅. 不過, 我覺得資源並成功的必要條件, 目標亦可自由調節: 我諗比佢有個快樂童年, 加上一個溫暖的家, 這個程度的資源應該勉強足夠的
刪除