國策決定一切

外圍風高浪急，Trump四處點起火頭，但投資者早已麻目，股市照升。四年一度世界盃快將開始，巴西去俄羅斯參戰，單天氣適應都蝕大底，賠率又得四倍幾，值博率不高，但擁躉那講理智，計劃下注$300以示支持。
無心戀戰，繼續減磅，於$14.94沽出５千股南方A50(2822)，賬面獲利$700，入摩後都無乜表現，再無耐性持貨。又傳香港政府空置稅研究步尾聲，波叔話有決定就會公佈，但港樓及地產股像無甚影響。
受累國策轉變，光伏相關股卻逆市捱沽。而內地房產熾熱，本來對內房股極為有利，但又有限價令及不准發債，中資股就是這樣，國策決定一切，甚難預計。而內企來港上市，目前市值佔比逾2/3，國策更加可以左右港股大局。
友人報喜，售出一個挪威投資物業，獲利320萬克朗，但竟然抽稅近100萬，相比之下，香港真係富人天堂。