我又無利益, 為何仍要掃人興? 成日叫人居安思危 留一手準備 我估中令你避過一劫, 你最多說聲多謝, 我估錯累你走寶, 你罵我祖宗十八代, 中途有點失誤 仍末有結果 已又被人揶揄一番, 財演為搵食, 我為乜?
只因我有個善良的心, 賺少了你固然不爽, 但不會死得, 相反又如何? 我一向都覺得自己條命不好, 但後來證實並非如此, 我有段近乎無可挑剔的婚姻, 中年就財務自由, 就甚麼都已補賞有餘, 上天已話我知 好心始終會有好報.
我不知我膚淺落伍的財經知識 最終係幫到你或係阻到你 我並不太上心 因這全要看你個人的造化 你有緣遇到這個小小的平台 又相信我的見解 結果好壞已係天意.
至於有些人兄 喜歡笑那人低智 那人無料 若然寸完人他會開心些 減到壓兼有快感 也值得諒解 因生活逼人 又缺宣洩渠道 講真句 真正投資高手 怎會有閑和你在虛擬網上鬥咀 認叻!
做好事，人善人欺天不欺。
回覆刪除好心有無好報,甚難證實,但重要的係我做好心時已先開心.
刪除但因果循環,還是有的,起碼我會來聽你意見
刪除