無意中看了本雜誌 知道有位風水大師重倉美麗華酒店(071) 就八卦看下這隻冷門股有甚麼潛質。俗語有說風水佬騙你十年八年 大師持貨也超過十年 但好似仍在坐艇 莫非他連自己都騙埋?
美麗華是恆基集團成員 去年恆基才增持其少量股份 權益由49%升至50.05% 這少計的變動 卻意義重大 美麗華由聯營變為附屬 資產負債表會合併於恆基地產內。美麗華有淨現金53億元 無借貸 當然能令恆地盤數更好樣!
疫情期間 美麗華本業食正風眼區 不蝕本已偷笑 但疫情總有過去的一天 以美麗華的財力 一定捱得過寒冬。當然投資目的為賺錢 而不是看佢會否[執笠] 那麼美麗華的賣點在那? 2021年6月底 集團全部投資物業估值152億元 咪玩啦! 你又試下出此價 淨係去買其招牌物業Mira H.K.
管理層會否賣給你? 它的其他家當還有位於銅鑼灣的問月酒店、上海美麗華公寓.....。另加53億元現金 而現價美麗華市值才90億元 看來大師無買錯 或許是時晨未到而矣!
索羅斯去年第四季度大舉買入QQQ一隻造空納指100指數的etf, 主要持有蘋果，微軟，亞馬遜，英偉達和Tesla, 今年納指至今跌近20％,佢真係賺死，唔知佢食糊未，定係繼續加注，呢個星期英偉達公佈業績，可能一公佈又大插，但係星期五已跌咗7.5％,呢隻大鱷真係無寶不落，但亦有失手時，去年頭執南韓仔死雞入咗大批中慨股，主要是亞里巴巴，跟住股價大跌唯有蝕住走，事後條氣唔順猛咁鬧習主席不懂經濟，中國金融制度欠妥，你有你走，芒格不久又買巴巴，不過只是小注，但已引咗不少散戶跟風，以為到底，買咗真係有排坐，變咗價值型長期投資。索羅斯今次唯一增持的股票是Rivian, Tesla的死敵，專做電動車的，看來Tesla都唔係索羅斯杯茶。
回覆刪除我对這索老頭的印象相當負面,以他的智慧 行正路都肯定會大富大貴 但他卻去要選條極端之路,恃強凌弱 將自己的富貴建築在別人的貧窮身上,你參與投機和他對賭都無話可講,但整個亞洲區數以萬計的正當人家卻無辜受累至傾家蕩產!當然若他不是美洲鱷 十條命都不夠死 那能如此放肆欺人太甚?
刪除一將功成萬骨枯,越喪盡天良嘅人越係成功,殺戮市場定律
回覆刪除[越喪盡天良嘅人越係成功],因為出了名的壞人多人知 所以總成錯覺,其實更多壞人有報應 因不出名 所以無人知而矣!
刪除「而現價美麗華市值才90億元 看來大師無買錯 或許是時晨未到而矣!」
回覆刪除但咁多年股價表現都麻麻地，會唔會係價值豬頭骨股？😛
不如你直接去問蘇師傅啦!
刪除記憶中亞叻曾話過在年青時做經紀認識美麗華創始人楊志雲，覺得美麗華很有前景，在二元時用咗九成身家入咗貨並諗住用來養老之用，並一度成為美麗華第二大股東，在2016年股價升穿10元都末放，如今美麗華己易手俾四叔多年，唔知佢出咗貨定重係揸住，風水大師唔會係阿叻掛定係阿叻dfriend接左佢手貨？
回覆刪除蘇民峰大師
刪除係2006年升穿10元至真，四叔在93年以平均價20元爭嬴超人買咗美麗華，當時時值一百億，29年後市值都唔夠100億，難怪風水大師咁有信心長揸一定嬴。
回覆刪除我欠耐性 所以只講不買
刪除