Billy雜談

馬雲是何許人不用多說, 他的朋友肯定不會是泛泛之輩, 但馬生竟在一日之內接到五位朋友欲借$的求助電話, 可見內地經濟環境甚不樂觀. 香港空氣好差, 與其陪妻子逛千篇一律, 無甚特色的商場, 倒不如去遊水, 現今的屋苑都係屋細細會所大大, 服務真不錯, 兩個救生員四個泳客, 除了我就得三個婆婆, 全無可觀性! 我雖到公公之齡, 但愛看靚女乃屬天性, 當然我只係純以藝術眼光去看, 並無歪念, 哈哈! 講開又講, 我帶上帽子時, 冇人信我有六張; 當然不夠內子利害,十多年前我和她去酒吧(挪威)飲酒, 個鬼佬守衛懷疑B嫂未夠年齡, 不准她入場, 使她開心了數天.

網誌有甚麼廣告出, 是因電腦持有者常看甚麼內容, 我的電腦通常都係銀行或健康食品之類. 網友[月兒]兄話看我網誌時, 常出現色情漫畫, 性感內衣廣告, 應與閣下平常的慣性收看相關. 但你亦無須介懷, 因我未遇過有男人不喜看色情刊物的.