月供股票

若在我年輕時(80年代初)開始月供股票, 只要係大藍籌股兼本地成份重, 匯豐 恒生 中電 港燈 煤氣 長江 新地 太古 九倉......*。至今天 你可能已成了小富翁, 因這食正香港經濟起飛期, 投資自然事半功倍. 上述股份近四十年升了幾十倍甚至過百倍, 但大部份升幅都係早期做成. 而現今的香港早成了已開發城市, 經濟增長大幅放緩, 投資回報亦如逆水行舟, 再以月供股票投資, 成績極有可能會令人失望.
我真的好想知網友中十年來(2010年起計)月供股大藍籌的成績, 你可以話以現今股災的低價來計不公平, 但又有誰能擔保現價一定係[低位], 無可能未來股價不會更低嗎? 日股往績(90年代前)何等風光, 全球87大股災唯獨日股能獨善其身,但其後就熊足幾十年.
當然我只是發表個人的看法, 甚有可能估計錯誤, 持有不同看法的網友勿動氣, 以為我在拗氣. 人講可以吾信, 對你係無任何損失的.
題外話: 加國親友話市民大儲糧, 超市大排長龍, 世上何處有樂土!