恆生指數近1年的走勢有多傷 看圖就不用多說 連象樣些反彈都欠奉 今個月跌了三千點丶 四個月跌了七千丶 一年跌了逾萬點。股票誰接了 不用講都知是撈底客 貨源轉晒去散戶手 問下身邊股友 有誰不是成褲都是蟹貨? 維穩部隊都應不大好受 兩萬點已見其手影 現得萬四。不怕你精不怕你儍 最怕你不來 寧願大戶做空倉 都好過他們離場 所以筆者最介意 Naspers; SoftBank ; Berkshire hathaway 沽貨 因幾乎可肯定 它們沽貨後必然會撤走資金。做空則資金或許仍留在巿內 大挾高 沽空者補倉都補到氣咳 股市回升會更勁。有人話外資大戶未必捨得現價沽 但SoftBank是阿里的原始股東、Naspers其中20%騰訊股權成本約98oo萬 現市值近4千億元、Berkshire hathaway買入比亞迪成本價每股8元。你想它們現價捨不捨得沽? 開得門口做生意 人家贏了不准走也不對 否則賭場只有關門一途。我都係心情差申兩句而矣!
心情差,或者試吓飲中國茶,如花茶中的香片,據聞可抗焦慮
回覆刪除我有咖啡癮 但又喜中茶 鐵官音。運動才是抗焦盧良藥 有科學根據 我有實際體驗好得。
刪除鐵觀音我差不多日日飲,似乎不可鬆弛神經
刪除哈哈 鐵觀音我只是中茶的選擇 不知飲了可否鬆弛神經
刪除老實說, 現在是有一個不能寫的事件, 看到blogger普遍不敢寫 (youtube則有很多), 有筆難寫, 亦不敢whatsapp和友人討論, 我都感到心情差
回覆刪除Given that, 我係靠聽歌同出外哂下太陽舒緩下壓力
刪除人生苦短 何必想太多 活在當下 活好每一天。
刪除老人家贈你一言 人要活得開心 首先要放過自己 !
刪除跌到好似世界末日.個個都要搵其他嘢方法減壓輕鬆下.b兄就經常去健身我就寄情工作
回覆刪除重兄也可開個網誌 吹下水 也好呀
刪除講笑咩B哥.一來我唔識开.二來又冇你咁多料.股齡亦淺過你好多.喺呢度吹下水仲好.都係慣咗塘邊鶴.輕鬆好多.唔使成日諗住要寫啲乜嘢
刪除又不用花錢 開個blog玩下也無壞
刪除b哥又勾起我舊回憶.記得以前返學時老師都讚我作文好用詞生動有趣.
刪除為何不試下寫 寫到無興趣 不寫也無損失 我初初都係玩玩下 內子看死我三分鐘熱度 一寫就這麼多年
刪除對於一個咁樣既市場，散戶能夠做既就係選擇唔參與，放眼全世界，仲有大把好野，可必留戀一個「二奶市場」？
回覆刪除能賺到錢就係好巿場 我雖常有失望 但內心依然感激港股這個賭場 學歷低 無父蔭 工資一般 都能中年財自 靠的是甚麼 我自己深知肚明。講句真心話 炒港股連我般三腳貓功夫都掂 為何仍有這麼多人不掂 我有時都不大明解。
刪除2007年應該是港股分水嶺 之前是長升長有格局 之後便進入有波幅沒升幅困局
刪除愈來愈難賺也是事實
刪除以前恆指高過道指，現在恆指連道指1半都未有，真係離晒譜
回覆刪除2007年道指14000 恆指32000 現在是恆指14000 道指32000 你說諷不諷刺😏
刪除那個場旺你 就去那個場一定錯不了
刪除一直沒有買美股，而家都唔會轉場，驚港股輸完美股再輸😂
刪除我都買美股無贏過
刪除上周開完某個重大會議後 在全球均大幅反彈背景下 港股居然要自殘近9% 什麼原因 大家心照了吧!😏
回覆刪除有保留 離場冷靜下 也為上策
刪除對呀.諗唔通行下都好㗎.每人都有自己嘅心理打算
刪除切勿在心亂時做重大決策
刪除